أحلى نكت مصرية قصيرة تموت من الضحك

أجمل نكت مصرية قصيرة

عندما نتحدث عن روح الدعابة، أول ما يخطر في أذهاننا هو الشعب المصري، بخفّة ظلّه وقدرته على تحويل أي موقف إلى نكتة، إليكم قائمة بأجمل نكت مصرية قصيرة.

أحلى نكت مصرية قصيرة

• مرة بنت اسمها وردة أبوها صحي من النوم ملقهاش، قال: الحقوني بنتي اتقطفت.
• واحد عنده مزرعة فراخ، تعب، فجاله ديك تنفس.
• مرة فكهاني أتفرج على فيلم رعب، قام مات من الخوخ.
• مرة طبق كشري عمل حادثة فقد بصله.
• مرة واحدة عندها زهايمر ضحكت، فنسيت بوقها مفتوح.
• مرة واحد كان عايز يفكّر بعمق، قعد في حفرة.
• واحد بيعاكس واحدة، قالها: القمر اسمه ايه؟، قالت له: نايل سات، قال لها: طب عايز أعرف التردد.
• واحد مش حافظ حاجة من القرآن طلع عليه جن، فغناله طلع البدر علينا.
• واحدة بتقول لجوزها: ياريتني اتجوزت أبليس وما تجوزتكش، قالها: مهو مينفعش، أنتم أخوات.
• مرة ولد بيسأل باباه: ايه هي المواد سريعة التبخّر، قاله: راتبي لما تشوفه أمك.
• مرة ايس كريم وقع من الدور السابع، قال: الحسوووووني.
• مرة اتنين دخلو سوبر ماركت واحد اشتري بسكوت والتاني بكلام.
• مرة لاعب شاط والتاني اتحرق.
• مرة واحد بيسأل رمانة: زعلانه ليه؟، قالتله: عشان الناس عماله تفرط فيا.
• مرة مدرس رياضيات عمل حادثة، قالوله: فيه كسور كتير، قالهم: وحّدو المقامات.
• مرة واحدة اسمها ساندى، دخلت كلية هندسة، بقى اسمها (ساندى متر مربع).
• مرة واحد أقرع حس أنه نموسة وقفت على راسه، جه يخبطها، قامت قالتلو: والنبي خلاص دي أخر زحليقة.
• مرة واحد قال نكتة قديمة طلع من بوقه تراب.
• مرة واحد بخيل مات، لقوه كاتب في الوصية، ماتغسلونيش أنا مستحمي.

أفضل 10 نكت مصرية

• واحد بخيل عزم حبيبتو عالمطعم، بعد ما خلصو أكل، قالها: تدفعي الحساب ولا أتصل على أبوكي أقوله بنتك معايا؟.
• واحد بيقول لمراته: والله يا حبيبتي أنا ميت من الجوع، قالتله: يعني أنت عايز تاكل؟، قالها: لا ياروحي أنا بفضفضلك بس.
• مرة واحد محشش مراته اتكهربت، جات الشرطة قبضت عليه، قالوله: ليه ما أنقذتهاش، قلهم: والله كنت فاكرها بترقصلي.
• بنت راحت المتحف وهي بتتمشي وقفت عند لوحة وسألت الموظف؟، يع إيه اللوحة المرعبة دي؟، قلها الموظف: علي فكرة دي مراية.
• مرة واحد بخيل كان بياكل فستق: قالتله مراته: خليني أكول معاك شوية، فأداها واحدة، أكلتها وقالتله أدّيني كمان، قالها: كلهم نفس الطعم والله.
• مرة واحدة وحشة اتجوزت واحد ما بتحبوش كل أما تبص لنفسها في المرايا تقول: أحسن يستاهل.
• مرة واحد قال لأمه: ادعيلي يمه، قالتله: ربنا يرزقك بيت من غير إيجار، وأكل من غير فلوس، وناس تحرسك ليل نهار، قام دخل السجن.
• واحد بخيل اتعوّر ونزل دمه، فصاحبه شافه وجري عليه قاله: أشوفلك دكتور؟، قاله: لاء روح شوفلي حد يشتري الدم ده بسرعة.
• واحد كريم مراته خلّفت توأم، من فرحته قال للدكتور: تلاتة بالله العظيم لتنقيلك واحد.

نكت مصرية عن المحششين

• واحد محشش شاف النار مولعة في أمه، قالها: ماشاء الله منورة يا حجة والله.
• محشش شاف بنت فوق عينها في شامة، قلها: هي دي عين ولاغين.
• محشش سأل صاحبه المحشش برضه: إيه أخبار أبوك؟ بعدين افتكر إن أبوه ميت من زمان، فكمل سؤاله بسرعة وقال له: لسه زي ما هو في نفس التربة؟.
• مرة واحد عايز يبيع أرنب، فجه واحد محشش وسأله: بكام القرد؟، قاله: يا أخي ده أرنب مش قرد، رد المحشش: أنا مش بسألك أنت أنا بسأل الأرنب.
• واحد محشش شافوه قاعد جنب الصخرة ماسك خفاش وبيقوله: أول مرة بشوف فار لابس عباية.
• محشش رمى تلفونه من البلكونة، فنزل لقاه مكسور، قال: غريبة مع إني حاطه على وضع الطيران.
• واحد محشش راح لدكتور الأسنان، قاله الدكتور: سنانك عايزة تقويم، قاله المحشش: بسيطة يا دكتور بس قولي ميلادي ولا هجري؟.
• واحد محشش وقع من على السلّم، إداله الدكتور مرهم، وقاله: ادهن مكان الإصابة، راح دهن السلّم.
• محشش بيسأل صاحبه المحشش: تتوقع الجمعة يوافق آخر الشهر؟ رد عليه: لو قدرنا نضغط عليه يمكن يوافق.

نكت مصرية مضحكة جداً

• فتح الزوج لزوجته باب العربية، اتكسفت وقالت له: ياه ما أجملك وأنت رومانسي، فقال لها: اتنيلي انزلي يا ولية الباب مبيفتحش إلا من برة.
• واحد بيقول لمراته: أنتي مش بس مراتي، أنتي مراتي وبنتي وأمي وصاحبتي وكل حاجة في حياتي، قالته: أنا مش هبيع حاجة من دهبي.
• أصالة لما تطلب من جوزها فلوس ويقولها: عايزة فلوس قد إيه؟، بترد قد الحروف الي في أسامي العاشقين، وقد الدموع الي في عيون المجروحين.
• واحدة بتقول لجوزها: انت ليه مابتقوليش ربنا يخلكي ليا ومايحرمنيش منك ابداً، قالها: طيب وافرضي ربنا استجاب.
• زوج فرفور مراته بتولد وبتصرخ وهو واقف بره عمال يلطم ويقول أنا السبب أنا السبب.
• واحدة بتعاتب جوزها بتقوله: شايف أبو محمد جارنا من حبه في مراته لما ماتت بنى لها جامع بإسمها، قال لها: أنا شاري الأرض من زمان أوي بس التأخير من عندك أنتي.
• طفل سأل جده: هو أنت عندك أسنان ياجدي؟، فقال له جده: لا ياحبيبي، رد الولد: إشطا خلي التفاحة دي معاك لغاية أما أجي.

تمت الكتابة بواسطة: سمر درويش.