 |
| من هو عمرو حسن |
أنا مش كداب، وحشتيني، حبيتك ليه؟، الغزالة، طلاق، يالحبيبة، تقابليني؟ وعدة قصائد أخرى تأخذك لليالٍ مُقمرة، كيف لا ومَن كتبها هو الدرويش الشاعر عمرو حسن.
نبذة عن عمرو حسن
وُلد الدرويش عمرو حسن في السابع عشر من شهر أغسطس لعام 1987 بالإسكندرية، ولكنه انتقل إلى الإسماعيلية وتخرج من كلية التجارة جامعة السويس عام 2010، وحسب ما جاء في موقع مكتبة الكتب (المتخصص في المجال الأدبي) فإنه بدأ في كتابة الشعر منذ عام 2004، وعلى الرغم من تأثره بأسلوب الأديب فؤاد حداد، إلا أنه انفرد بأسلوب مميز في كتابة الشعر وإلقائه، مما جعل له الجماهيرية العالية مؤخراً.
مسيرة عمرو حسن الشعرية
واجه عمرو حسن العديد من العقبات خلال مشواره مع الشعر، إذ كان يكتُب بالعامية، في وقت كان هذا النوع من الشعر غير مُعترف به، وعندما كتب ديوانه الأول في عام 2008، لم يتمكن من نشره، ولكن لأنه كان حريصاً على الوصول إلى القمة، لم يضيع فرصة واحدة في أن يُثبت أحقيته في أن يصبح وسط أشهر الشعراء المعاصرين.
فكان يحضر الحفلات أملاً في أن يقف على المسرح دقائق معدودة، أو أن يسمعه أي من المهتمين بالأشعار، وقد كان له ما أراد بفضل اجتهاده وموهبته الفريدة من نوعها، وهي القدرة على ملامسة أعماق قلبك بكلماته التي تتمايل بغُنج، تداعب وجدانك كما لو أنها أمواج بحر المدينة التي نشأ بها، فكتب في بداية تألقه العديد من الأغنيات مثل: بنت الناس، والبنت اللي سهرانة، إضافة إلى عدد من الكتب مثل: باندا، تصبحي على خير، مثلاً، ناس كافيه، أحدهم، على ناصية الشاعر، وسيلفي، وفي عام 2020 صدرت له الأعمال الكاملة (ألف صفحة).
إلى أن أصبح الشاعر الدرويش هو من يُحيي الحفلات الشعرية بكافة الأنحاء، ويحضرها عدد لا يُستهان به، ففي خلال عشر سنوات، قام بإحياء ما يقرب من 300 حفلة برفقة فرقته الموسيقية التي تمنح لكلماته أعذب الألحان، فيهيم بها المستمعون عشقاً.
إنجازات عمرو حسن
بحسب ما جاء في حساب عمرو حسن الرسمي على منصة فيس بوك، فقد كرمته عدة جامعات وهيئات مصرية بأكثر من حدث عن مجمل أعماله كما حصل على عدة جوائز وهي:
- الجائزة الأدبية المركزية عام 2008.
- جائزة الهيئة العامة لقصور الثقافة 2013/2010/2008.
- جائزة أفضل شاعر 2009 ( ذهبية الجامعات).
- درع جامعة حلوان لأفضل شاعر 2009.
- جائزة الثقافة الجديدة 2010.
- جائزة الساقية التشجيعية عام 2010 (جائزة ساقية الصاوي).
- جائزة الأديب أحمد فؤاد نجم 2016 (أفضل ديوان في شعر العامية عن ديوان باندا).
 |
| الشاعر عمرو حسن |
حسابات عمرو حسن على منصات التواصل الاجتماعي
- حساب عمرو حسن الرسمي على منصة فيس بوك.
- حساب عمرو حسن الرسمي بمنصة أكس.
- الحساب الرسمي لعمرو حسن بمنصة أنستقرام.
- قناة عمرو حسن على يوتيوب.
أجمل اشعار عمرو حسن
جميع قصائد عمرو حسن رائعة تشعل الحواس، تستقطب قلبك دون أن تدري، وأبرزها:
قصيدة تقابليني
تقابليني،
كإنك فيلم خمسيني،
كإنك وردة في البدلة بيرويها مطر عيني،
كإنك أرض،
كإني ف حضرتك بابقى (روائي لا يمَل السرد)،
أميل لك بس مابملِّك،
اشيلِكْ عمري ما أشيل لِك،
واغازلك شعر واغزِل لك،
ضفاير شكّي ويقيني،
تقابليني،
واطُل ف عينك استشهد، يا مزيكا بتتنهد،
شموسك كيف بتتجدد وضلِّك طيف مغطّيني،
أراقبك لما بتشاوري في وقت ما توصفي حاجة،
وعارفك لما بتناوري عشان تلهيني عن حاجة،
وامتى بتبقي محتاجة أكونلك حضن إن يلزم،
واقولك امتى تحديداً بإن غرامنا لن يُهزم،
وعارف امتى بتبُصي بعين من خوف،
وصوتك وانتي تعبانة وشايلة الهم،
يا أقرب من فصيلة الدم،
ماكونش ازاي بقى مهتم،
بواحدة رضاها يحييني،
تقابليني،
واراقب شعرك المقصوص،
كإن الليل نقص ساعتين،
جميل والله ولايقلك،
وفاتح للخيال طريقين،
طول عمرك بتختاري الهدوم بمزاج،
يا واخدة العقل من ايده كإنه ابنك،
باقولك ايه،
خرجتي منين على الواحد خروج زهرة،
خروج مزيكا من (راجح داوود) مثلاً،
بكل ما فيكي من ستات فاجئتيني،
فتحتي الحلم والتأويل وسيبتيني،
مُهرج والسما سيما،
وطايش والطريق مراجيح،
تقول امي: بقالك فترة مش مظبوط،
تبان قلقان لكن مبسوط،
ومتوتر كده وخايف،
ومش فاهماك،
تعبت معاك،
تكونش يا واد عشقت جديد!،
تقول امي في وصف العيد،
(ياريتك جيتنا من بدري)،
واظن الوصف ده ينفع يكون عنك،
(ياريتك جيتي من بدري) وخدتي الروح وخدتيني،
تقابليني،
بدون أسباب،
زكاة عن ضحكتك مثلاً،
كفالة طفل نُصه يتيم،
هنتكلم عن الدنيا،
وعن حبي لشهر اتنين،
وممكن اقول اسامي صحابي بالترتيب،
وتحكيلي عن القطة اللي في عيونك،
ولون اوضتك،
هقولك اني متورط بعصبيتي،
باحب احمد زكي جداً،
موسيقى نهاية الكيت كات،
وممكن تحكي عن والدك،
وعن آخر خطوط الموضة في العالم،
وعن حلمك تعيشي في ارض محدوفة وبيت واسع،
هنتكلم في أي كلام،
وأي كلام في ذاته كلام،
كلام تافه بدون ترتيب،
مسافة وقت تسمحلي اكون جنبك لاطول وقت،
- هتوحشني،
- وحشتي القلب من دلوقت،
واحط ايديا علي قلبي واراقب مهرجان الصيف،
ابطل حب امتى وكيف،
وحبك كيف في شراييني!،
تقابليني،
عشان محتاج اقابلك موت،
فيه عندي حوالي (ولا موضوع) احب افتح كلام فيهم،
أصالح عمري ف وجودك،
وانقّح نفسي م الأخطاء على حدودك،
وعارف اني شيء بائس،
واني مصاب بمتلازمة (وحشتيني)،
وعارف برضه إني كسول،
بسيب كل الحاجات ع الأرض،
وريحتي كلها دخان،
وعارف برضه اني كمان بشجع نادي مش حباه،
ياستي حياة ولازم نختلف فيها،
يا أجمل حاجة في الدنيا ابتليت بيها،
واطيب ركن ف الاوضه اللي جوايا،
ف قلبي فيه كذا حكايه،
وحابب احكي ساعديني،
تقابليني!.
قصيدة وحشتيني (2)
غيابك طال،
وبوّختي في هزار بعدك،
أنا بعدك عرفت إني ماليش بعدك،
كبر سني،
يا أول حاجة أحوِّشها واشوفها بتتسرق مني،
أبص من الغياب ع الباب واقول بالوقت هتحني،
قعدت أستني واتحوّلت،
لشطرة ف غنوة الأطلال،
غيابك طال،
خصامنا مهما كان بيطول،
مكانش ف بالي يقلب جد،
ومتطوح لا عارف اغيب،
ولا بشكي اللي فيا لحد،
بقيت زاهد ومش مشغول،
ولا برحيل ولا بوصول،
وباسكت واما قلبي يقول،
بقول فينك ؟؟؟؟؟،
ياريت كل اللي عارفينك قالولك اني بيكي بعيش،
ياريت كل اللي عارفيني سابوني لشكي ويقيني،
وحشتيني،
رماني الشوق عليكي من يومين فايتين،
فتحت رسايلك السابقة من الآخر،
فضلت اقراها واطلع فوق،
وكل ما تنتهي دمعة تسيل أخرى،
وكل ما تنتهي جملة يهِف الشوق،
- ما فيش داعي لكلام تاني، لقيت منك مكالمة الصبح! في حاجة؟؟،
- يا ريت لو شفتي رناتي تردي حتى برسالة،
- مالوش لازمة الكلام ده خلاص، دي آخر مرة أقولهالك متتكلمش،
- خلاص مش طايقة مني كلام!،
نقطة، علامة إستفهام، نقط أكتر، تعجب، نقطة، إستفهام،
- انا عاوزك ياريت تتصلي من فضلك،
فضلت أقرا، فضلت أرجع شهور وايام، شهور وايام،
كلام متقال كأنه النار في كومة قش،
رصاص طالع من الشاشة لقلبي الهش،
رجعت أكتر، فضلت أرجع،
وفجأة لقيت كلام أجمل، كلام أجمل،
ورود ووعود، كلام في الحب وسنينه،
جُمل من أغنيات الست،
فضلت اقرا وكل ما أقلب التفاصيل، تزيد سنوات على سنيني،
رسالة توّدي لرسالة، أهو رجعتي تحبيني،
فضلت ارجع، وكل ما اراجع الأيام تروّح دمعتي لعيني،
فضلت أرجع، لحد ما رحت للآخر،
وفي الآخر لقيت أول وحشتيني،
وحشتيني،
بحطة ايدك الناعمة أنا ما زلت،
ووزني زي ماهو لكنّي تقلت،
وبمشي لحد ما بنسى بإني وصلت،
طباعي ثابتة ما اختلفتش،
برَّبي كلاب بسيب واتساب،
دوا المعدة 3 مرات بفوِّت مرتين منهم،
وكالعادة في كام موضوع بيرفض عقلي يحسمهم،
ورقمي زي ما هو، وبرايا نقيض جوه،
بفتكرك إذا بصيت بالليل من الشباك واقول هتفوت،
ياخدني بعدها سرحان يرد سكوت،
حبيبك كل يوم بيموت لكن واقف على رجليه،
وضِحكُه مع الصحاب طالع لكن برضه في شيئ في عينيه،
لابد الشيء ده يبقى سؤال رفضتي عليه تجاوبيني،
وحشتيني 10 مرات وانا بكتب وحشتيني،
وحشتيني ولو كان الزمن بقى غير، خمس سنوات وحشتيني،
ولو حتى الظروف صادّة، وحشتيني فرجوع الطير لعش اتهد من مدة،
بقيتي نشيدي وحكايتي، وصمتي وصوتي ومرايتي،
بقيتي نهايتي وبدايتي، ومعجزتي اللي جيت بيها،
جدع زيي مخبّي الدنيا في جيوبه،
لكن أشواقه ليكي تبان ومش عارف يخبيها،
لا عشت معاها يا قلبي ولا لك نبض بعديها،
بشوف نفسي في ظهر الباب، براجع كل لوم وعتاب،
ومستني الزمن يصفى، وبرد الأمنيات يدفى،
ويصفالي الزمن مرة، وتنسي الدنيا وتجيني،
خمس سنوات، خمس سنوات، وحشتيني، وحشتيني.
تمت الكتابة بواسطة: مروة جمال أحمد.